Community Scoop
Network

Māori Language Week 2018 one month away!

Press Release – Te Taura Whiri i te Reo Maori

I runga i te mea kotahi marama e toe ana ki te tmatanga o Te Wiki o te Reo Mori, kua whakaputaina e Te Taura Whiri i te Reo Mori he rangat pnui whakaahua e whakanui ana i tna kaupapa m te tau Kia Kaha te Reo Mori.
Pānui Pāpāho News Release
16 Hereturikōkā 2018 16 August 2018

Kotahi marama ki te tīmatanga o Te Wiki o te Reo Māori!

I runga i te mea kotahi marama e toe ana ki te tīmatanga o Te Wiki o te Reo Māori, kua whakaputaina e Te Taura Whiri i te Reo Māori he rangatū pānui whakaahua e whakanui ana i tōna kaupapa mō te tau ‘Kia Kaha te Reo Māori’.

Kei tētahi o ngā pānui whakaahua ko te rārangi pū Māori ki te reo rotarota. E whakatairanga ana tētahi atu o ngā pānui whakaahua ko ngā kupu e whai ake nei, arā, ko te ako, ko te whakarongo, ko te waiata, ko te pānui, ko te tuhi, ko te kōrero. Ka pātata atu ana ki te wiki o te 10-16 o Mahuru 2018 ka whakaputaina anō ētahi atu rauemi.

Ehara i te mea ko Te Wiki ō te Reo Māori anake hei te marama o Mahuru, engari anō ko ngā ngohe, ko ngā kōkiri matua hoki. Ko te 14 o Mahuru te Rā o te Reo Māori, he whakamaumaharatanga ki te rā i te tau 1972 i whakatakotohia te petihana mō te reo Māori ki te aroaro o te whare pāremata. Otirā koirā hoki te marama e whakanuia anō ai te reo Māori e te tini māioio ki te kaupapa Mahuru Māori mā te kōrero reo Māori anake (paku reo Māori rānei) mō te roanga atu o te marama.

E kī ana te Tumuaki o Te Taura Whiri I te Reo Māori, a Ngahiwi Apanui “e mōhio pai ana a Aotearoa whānui ki te kōrero ‘Kia Kaha’, me tōna tikanga Māori tika, he mea whakahau i te tangata ‘kia māia, kia tū pakari’. He wā anō ka kōrero tātou mō te reo anō nei he tangata, ka kōrerohia te hauora, te kaha me te whakarauoratanga o te reo. Nō konā e whakatenatena ana te pepeha nei ‘Kia Kaha te Reo Māori’ i a tātou katoa ‘kia whakapakari ake i te reo Māori”.

“Ka ahu mai te pakaritanga o tētahi reo mōrearea i te nui o tōna mana; i te noho mārama o te iwi whānui me pēhea te tautoko i te mahi whakarauora reo; i te ako me te kōrero a te mātinitini i te reo; me te noho mai o ngā kupu katoa e tika ana e taea ai ngā kaupapa kōrero katoa te kawe ki taua reo.”

Anō te kaha, me te ngoi o ngā tāngata katoa o Aotearoa ki te whakakaha ake i te reo Māori. Kua tatū ngā rā, kua tatū anō te kaupapa whāiti mō tēnei tau, ā, ko te tūmanako kia ngaringari ake ngā whakahaere, ngā kamupene me ngā rōpū i te hapori kia āta manaaki mai i Te Wiki o te Reo Māori 2018.

Kia kaha rā tātou!

Māori Language Week 2018 one month away!

With only one month to go until Māori Language Week 2018 the Māori Language Commission has released a series of posters featuring this year’s theme – ‘Kia Kaha te Reo Māori’.

One of the posters includes the Māori alphabet in sign language. Another poster promotes the key words ako, whakarongo, waiata, pānui, tuhi and kōrero – meaning to learn, listen, sing, read, write and to speak. Further resources will be released in the lead-up to the week 10-16 September 2018.

In addition to Māori Language Week, other key events and initiatives occur in September. September 14 is Māori Language Day which commemorates the presentation of the 1972 petition on the Māori language to parliament. And hundreds of people celebrate September as Mahuru Māori, in which they dedicate themselves to speaking only (or a little bit of) Māori during the month.

The Māori Language Commission’s Chief Executive Ngahiwi Apanui says “‘Kia Kaha’ is well known in New Zealand English with its correct Māori meaning of ‘be strong’. We often talk about languages as if they are people – talking about language health, strength, and revitalisation. So when we say ‘Kia Kaha te Reo Māori’ we’re saying – ‘Let’s make the Māori language strong”.

“Strength for an endangered language comes from its status, people being aware of and actively supporting its revitalisation, and through people learning and using the language. The language also grows by developing new words so that people have the right words and terms to use, for today and for future generations.”
Every New Zealander can help to strengthen the Māori language. We’re hoping that even more organisations, companies, and community groups will plan to take part in Māori Language Week 2018.

Kia kaha rā tātou!

Media Advisory:
Throughout the country will be numerous Māori Language Parades, which everyone is welcome to attend. See Māori Language Parades and similar events with links below:
• Monday 10 September 2018 Wellington Parade
• Tuesday 11 September 2018 North Shore Event
• Thursday 13 September 2018 Auckland CBD Parade
• Friday 14 September 2018
o Manukau, Auckland Parade
o Gisborne Parade
Main page for updates and information

http://www.tetaurawhiri.govt.nz/events-and-promotions/maori-language-week-2018/
Download the Kia Kaha te Reo Māori logos
Download the Posters
Read an explanation of the poster designs

Content Sourced from scoop.co.nz
Original url